15 лістапада г.г., з нагоды Міжнароднага дня пісьменніка ў няволі, у Пасольстве Украіны ў Рэспубліцы Беларусь адбыўся паказ фільма «Працэс: Расійска дзяржава супраць Алега Сянцова». Мерапрыемства было арганізавана Пасольствам сумесна з беларускім цэнтрам міжнароднай грамадскай арганізацыі «ПЭН-Клуб».

У мерапрыемстве ўзялі ўдзел прадстаўнікі дыпламатычнага корпуса, украінскай дыяспары Беларусі, мясцовай грамадскасці (беларускія пісьменнікі, акцёры, кінарэжысёры і г.д.) і СМІ.

Пасля заканчэння паказу, удзельнікі мерапрыемства напісалі паштоўкі Алегу Сянцову, якія будуць перададзеныя ўкраінскаму рэжысёру дзякуючы ініцыятыве «РосУзник» (Rosuznik.org).

У рамках мерапрыемства былі таксама распаўсюджаныя кнігі Алега Сянцова і сабраныя сродкі, якія праз арганізацыю «ПЭН-Клуб» будуць перададзеныя сям'і кінарэжысёра.

У час мерапрыемства гучалі заклікі да ўсіх неабыякавых прыкласці ўсе намаганні для вызвалення незаконна асуджанага ў Расіі ўкраінскага кінарэжысёра і пісьменніка Алега Сянцова і іншых палітычных зняволеных у РФ.