19 лістапада г.г. Пасольства Украіны ў Рэспубліцы Беларусь шчыра вітала удзельніцу Міжнароднага дзіцячага песеннага конкурсу «Еўрабачанне 2018» ад Украіны Дарыну Краснавецкую, якая прыехала ў Мінск разам з бацькамі і творчай камандай. Гасцямі Пасольства таксама сталі ўдзельнікі беларускага гурта «NaviBand», якія прадстаўлялі сваю краіну на леташнім дарослым «Еўрабачанні» у Кіеве.

У нефармальнай абстаноўцы адбылася размова гасцей з супрацоўнікамі Пасольства, украінскімі і беларускімі журналістамі аб падрыхтоўцы і ўдзелу ў дзіцячым і дарослым конкурсах «Еўрабачанне», а таксама пра ўзаемаадносіны паміж Украінай і Беларуссю ў сферы культуры і мастацтва.

Пасол Украіны ў Рэспубліцы Беларусь Ігар Кізім уручыў Дарыне Краснавецкай і ўдзельнікам гурта «NaviBand» памятныя падарункі, а таксама падзякаваў за іх уклад у развіццё культурнай дыпламатыі і развіццё дружалюбных беларуска-ўкраінскіх адносін.

Удзельнікі мерапрыемства пажадалі Дарыне Краснавецкай перамогі ў дзіцячым песенным конкурсе «Еўрабачанне 2018» і далейшых творчых поспехаў.