12 лістапада г.г. у рамках правядзення акцыі «Запалі свечку памяці» ў аграгарадку Доўск Гомельскай вобласці Беларусі, каля храма Пакрова Прасвятой Багародзіцы, адбылася цырымонія адкрыцця і асвячэння абноўленага Крыжа памяці ахвяр Галадамору 1932-1933 гадоў ва Украіне. Ва ўрачыстым мерапрыемстве ўзялі  ўдзел супрацоўнікі Пасольства Украіны ў Рэспубліцы Беларусь, кіраўнікі Рагачоўскага раёну Гомельскай вобласці Беларусі, мясцовыя жыхары, прадстаўнікі ўкраінскай дыяспары Беларусі, беларускіх і ўкраінскіх СМІ.

Перад асвячэннем Крыжа памяці ў храме Пакрова Прасвятой Багародзіцы адбыўся малебен і былі запалены свечкі памяці ахвяраў Галадамору.

Выступаючы перад прысутнымі на мерапрыемстве, амбасадар Украіны ў РБ Ігар Кізім выказаў падзяку беларускаму народу за выратаваныя жыцці ўкраінцаў падчас Вялікага голаду ва Украіне. І.Кізім таксама падзякаваў Старшыні грамадскай арганізацыі «Цэнтр украінскай культуры" Січ "» Валянціне Логвін за садзейнічанне ва ўсталяванні першага драўлянага Крыжа памяці ахвяр Галадамору 1932-1933 гг. у Доўску ў 2003г., Прадстаўнікам Беларускай Праваслаўнай Царквы і мясцовай ўлады за дапамогу ва ўсталяванні Крыжа і правядзенні ўрачыстага мерапрыемства.

У 2003 г . драўляны Крыж памяці ў Доўску быў усталяваны па ініцыятыве грамадзяніна Украіны Віталя Ішчанкі, чыя бабуля ў 1932 годзе у вёсцы Кляцішчы (знаходзіцца каля Доўска) знайшла выратаванне ад выкліканага таталітарным сталінскім рэжымам Галадамору ва Украіне.

Увосень 2018 г., да 85-й гадавіны трагедыі Галадамору 1932-1933 гг., пры падтрымцы Пасольства Украіны ў Рэспубліцы Беларусь на месцы драўлянага крыжа, які з цягам часу страціў трываласць і меў патрэбу ў тэрміновым рамонце, быў усталяваны новы металічны крыж з сімвалічнымі каванымі пяццю каласкамі.

Гэта адзіны на тэрыторыі Беларусі памятны знак ахвярам Вялікага голаду ва Украіне - Галадамору 1932-1933 гг.