20 кастрычніка г.г. у рамках візіту ў Брэст амбасадар Украіны Ігар Кізім сустрэўся з кіраўніцтвам Брэсцкага аблвыканкама і гарадскога савета дэпутатаў. Падчас сустрэчы абмяркоўваліся актуальныя пытанні ўкраінска-беларускага супрацоўніцтва ў сферы эканомікі, культуры, адукацыі, інфармацыйнай палітыкі.

Бакі пацвердзілі важнасць далейшага развіцця двухбаковых адносін паміж Украінай і Рэспублікай Беларусь і падтрымкі пабрацімскіх сувязяў паміж гарадамі Брэсцкай вобласці і Украіны. Пасол ўшанаваў памяць герояў-абаронцаў Брэсцкай крэпасці і ўсклаў кветкі да Вечнага агню мемарыяльнага комплексу. Амбасадар Украіны І.Кізім, прадстаўнікі Пасольства Украіны ў Рэспубліцы Беларусь і Консульства Украіны ў г. Брэст азнаёміліся таксама з вытворчымі магутнасцямі лідэра беларускага рынку рыбы і морапрадуктаў «Санта Брэмар».