25 кастрычніка г.г. адбылася сустрэча Пасла Украіны Ігара Кізіма з Міністрам адукацыі Рэспублікі Беларусь Ігарам Карпенкам. Падчас сустрэчы адбыўся абмен думкамі адносна сучаснага стану супрацоўніцтва паміж Украінай і Рэспублікай Беларусь у сферы адукацыі. Амбасадар Украіны даў адпаведныя тлумачэнні па палажэннях нядаўна прынятага ў Украіне Закона "Аб адукацыі". Адзначалася, шо Закон не скіраваны на абмежаванне моўных правоў нацыянальных меншасцяў, а пашырае вывучэнне вучэбных прадметаў на дзяржаўнай мове ў школах з выкладаннем на мовах нацыянальных меншасцяў, што дасць магчымасць забяспечыць іх належную інтэграцыю ва ўкраінскае грамадства.

Бакі абмеркавалі актуальныя пытанні вывучэння ўкраінскай мовы ў Беларусі і беларускай ва Украіне. Была выказана ўзаемная зацікаўленасць у аднаўленні выкладання абодвух моў у агульнаадукацыйных навучальных установах у адпаведнасці з дамоўленасцямі прэзідэнтаў Украіны і Рэспублікі Беларусь падчас сустрэчы ў Кіеве ў ліпені 2017 г.

Адзначалася таксама неабходнасць больш цеснага супрацоўніцтва паміж адукацыйнымі ўстановамі Украіны і Беларусі, удзелу студэнтаў і выкладчыкаў у сумесных адукацыйных мерапрыемствах, якія спрыяюць захаванню культурнай спадчыны, развіццю самабытнасці ўкраінскага і беларускага народаў.