22 мая Пасол Украіны ў Рэспубліцы Беларусь Ігар Кізім сустрэўся з Міністрам інфармацыі Рэспублікі Беларусь Алесем Карлюкевічем.

У ходзе сустрэчы было абмеркавана ўзаемадзеянне Украіны і Беларусі ў сферы камунікацый і СМІ, у прыватнасці пытанні дзейнасці тэлеканала «Беларусь-24» ва Украіне і арганізацыі трансляцыі ўкраінскага тэлеканала ў Беларусі.

Былі таксама разгледжаны пытанні ўзаемадзеяння з медыйнага асвятлення маштабных падзей, якія павінны адбыцца ў беларуска-ўкраінскіх адносінах у гэтым годзе, у прыватнасці Дзён культуры Украіны ў Беларусі (ліпень) і Першага форуму рэгіёнаў Украіны і Беларусі (кастрычнік).