13 ліпеня г.г. адбылася сустрэча пасла Украіны ў Рэспубліцы Беларусь Ігара Кізіма з Міністрам інфармацыі Ліліяй Ананіч.

У час сустрэчы адбыўся абмен думкамі аб сучасным стане супрацоўніцтва паміж дзвюма краінамі ў медыйнай сферы, а таксама асвятлення ўкраінскай тэматыкі ў беларускіх дзяржаўных СМІ. Адзначалася таксама неабходнасць узмацнення каардынацыі і паглыблення супрацоўніцтва ў выставачнай дзейнасці, арганізацыі на ўзаемнай аснове прэс-тураў, больш актыўнага прыцягнення прадстаўнікоў украінскіх СМІ да мерапрыемстваў, прысвечаных 500-годдзю беларускага пісьменства і да таго падобнае.

Асобная ўвага была нададзеная пытанню аб магчымай рэтрансляцыі ўкраінскіх праграм у беларускіх кабельных сетках, якое было ўзнята падчас сустрэчы прэзідэнтаў Украіны і Беларусі ў красавіку гэтага года у Ляскавічах.