9 кастрычніка 2018 г. у Мінску адбыўся чарговы раўнд беларуска-ўкраінскіх кансультацый па консульскіх пытаннях на ўзроўні намеснікаў кіраўнікоў консульскіх службаў дзвюх краін. Украінскую дэлегацыю на кансультацыях узначаліў Намеснік дырэктара дэпартамента консульскай службы Украіны В.Лобач. У кансультацыях таксама прыняў удзел Пасол Украіны ў Рэспубліцы Беларусь І.Кізім.

Падчас кансультацый былі абмеркаваныя актуальныя пытанні двухбаковых адносін у консульска-прававой сферы ў кантэксце абароны правоў і інтарэсаў грамадзян Украіны за мяжой.

Адбыўся абмен думкамі па ўдасканаленні працы консульскіх службаў Украіны і Рэспублікі Беларусь, распрацоўцы і прыняццю нарматыўных актаў, накіраваных на спрашчэнне прадастаўлення консульскіх паслуг грамадзянам з ужываннем найноўшых тэхналогій.

Бакі таксама падрабязна абмеркавалі практычныя аспекты рэалізацыі палажэнняў Консульскай канвенцыі паміж Украінай і Рэспублікай Беларусь, якая ўступіла ў сілу для Украіны 4 снежня 2009.