18 жніўня ў Мінску адбылося свята ўкраінскай культуры. На працягу дня мінчане і госці беларускай сталіцы мелі магчымасць пазнаёміцца з творчасцю майстроў народных рамёстваў, набыць кнігі ўкраінскіх выдавецтваў і сувеніры, а таксама пакаштаваць стравы ўкраінскай нацыянальнай кухні.

Цэнтральнай часткай свята стаў канцэрт з удзелам творчых калектываў з Украіны, у прыватнасці дзіцячага танцавальнага калектыву «Дивограй» (Баршчоў, Тэрнопальская вобласць) і ўкраінскай дыяспары Беларусі.

Акрамя радавых гараджан, свята ўкраінскай культуры наведалі прадстаўнікі дзяржаўнай улады Беларусі, дыпламатычнага корпуса і СМІ.

Выступаючы на афіцыйным адкрыцці мерапрыемства Пасол Украіны ў Рэспубліцы Беларусь Ігар Кізім падзякаваў Мінскаму выканаўчаму камітэту, Рэспубліканскаму цэнтру нацыянальных культур Рэспублікі Беларусь, а таксама кіраўнікам і членам арганізацый ўкраінскай абшчыны Беларусі, у прыватнасці Віктару Гутовскаму і Галіне Калюжной за ўпартую працу па падрыхтоўцы і правядзенні мерапрыемства.

На думку Ігара Кізіма, паспяховае правядзенне свята ўкраінскай культуры ў Мінску і Дзён украінскай культуры ў Беларусі, якія адбыліся ў ліпені гэтага года, сведчыць аб значнай цікавасці беларусаў да Ўкраіны і ўкраінскага мастацтва, а таксама спрыяе ўмацаванню культурна-гуманітарных сувязяў паміж дзвюма дзяржавамі.

Нягледзячы на дажджлівае надвор'е, свята ўкраінскай культуры ў Мінску наведалі тысячы жыхароў і гасцей беларускай сталіцы.