6 сакавіка адбылася сустрэча Пасла Украіны ў Рэспубліцы Беларусь Ігара Кізіма са Старшынёй Дзяржаўнага пагранічнага камітэта Рэспублікі Беларусь Анатолем Лапо.

Падчас сустрэчы, у прыватнасці адзначана, што дзякуючы высокаму ўзроўню супрацоўніцтва пагранічных службаў Украіны і Рэспублікі Беларусь падтрымліваецца належны ўзровень памежнай бяспекі. Усе пытанні вырашаюцца станоўча, у межах кампетэнцыі адпаведных кіраўнікоў Бакоў, што безумоўна спрыяе аператыўнаму рэагаванню на змены становішча.

Падчас сустрэчы былі абмеркаваныя пытанні дэмаркацыі беларуска-ўкраінскай дзяржаўнай мяжы. Адзначана, што працэс дэмаркацыі ідзе згодна з планам. Падкрэслена зацікаўленасць Бакоў у рэалізацыі праекта міжнароднай тэхнічнай дапамогі з боку ЕС у гэтай сферы.

Сустрэча прайшла ў сяброўскай і канструктыўнай атмасферы.