Прэзідэнт Украіны Пётр Парашэнка правёў тэлефонную размову з Прэзідэнтам Рэспублікі Беларусь Аляксандрам Лукашэнкам.

Суразмоўцы абмеркавалі актуальныя пытанні парадку дня беларуска-ўкраінскіх адносін, у прыватнасці развіццё двухбаковага палітычнага дыялогу і будучыя кантакты на вышэйшым узроўні.

Кіраўнікі дзяржаў адзначылі важнасць належнай падрыхтоўкі да правядзення ў бягучым годзе ў Гомелі Першага форуму рэгіёнаў Украіны і Беларусі. У гэтым кантэксце размова ішла аб інтэнсіфікацыі гандлёва-эканамічнага і культурнага складнікаў міжрэгіянальнага супрацоўніцтва.