21 лістапада 2017 р. у Пасольстве Украіны ў Рэспубліцы Беларусь адбылося мерапрыемства з нагоды Дня Годнасці і Свабоды, якое наведалі прадстаўнікі беларускага парламента, украінскай дыяспары краіны, мясцовых СМІ, а таксама актывісты беларускіх валанцёрскіх арганізацый, якія ў апошнія гады актыўна аказвалі дапамогу грамадзянам Украіны, у прыватнасці , вымушаным перасяленцам. У пачатку мерапрыемства святаром была прачытана малітва ў памяць загінулых падчас Рэвалюцыі Годнасці.

З прывітальным словам да гасцей мерапрыемства звярнуўся Пасол Украіны ў Рэспубліцы Беларусь Ігар Кізім. У сваім выступе Пасол Украіны ўспомніў лёсавызначальныя падзеі, якія адбыліся чатыры гады таму і адзначыў, што сёння дарогі назад няма, Украіна становіцца ўсё бліжэй да Еўропы, пакідаючы ззаду так званае «савецкае мінулае». Адзначалася, што краевугольным каменем развіцця будучага Украіны ёсць ўнутраныя пераўтварэнні і рэформы, якія актыўна ўкараняюцца ў нашай дзяржаве.

У рамках мерапрыемства прысутныя паглядзелі дакументальны фільм «Пішам гісторыю. Рэвалюцыя Годнасці» і агледзелі тэматычныя кніжную і фотавыставы, прысвечаныя гэтай падзеі. На мерапрыемстве таксама выступілі з прамовамі дэпутат Палаты прадстаўнікоў Нацыянальнага сходу Рэспублікі Беларусь Алена Анісім і кіраўнікі грамадскіх арганізацый «Цэнтр украінскай культуры «Січ» і «Гуманітарны маршрут «Беларусь-АТА».

Удзельнікі мерапрыемства ўшанавалі хвілінай маўчання герояў Нябеснай сотні.