У кастрычніку г.г. у Мінску і Гомелі пачалі працу бясплатныя курсы ўкраінскай мовы, арганізаваныя Пасольствам. Яны адкрыліся ў месцах кампактнага пражывання ўкраінцаў у адпаведнасці з дамоўленасцямі прэзідэнтаў Украіны і Рэспублікі Беларусь падчас іх сустрэчы ў Кіеве ў ліпені 2017 г.

Заняткі па ўкраінскай мове, якія сабралі значную колькасць зацікаўленых розных узростаў і прафесій, вядуць маладыя таленавітыя выкладчыкі, адданыя сваёй справе.

На адкрыцці курсаў у Мінску Пасол Украіны Ігар Кізім выказаў надзею, што дзякуючы цікавасці да ўкраінскай мовы ў Беларусі адкрыюцца курсы і ў іншых гарадах. Такія заняткі будуць спрыяць папулярызацыі мовы Вялікага Кабзара, пашыраць магчымасці для лепшага пазнання гісторыі і культуры ўкраінскага і беларускага народаў.