У мэтах выканання дамоўленасцей, дасягнутых Прэзідэнтам Украіны П.Парашэнкам і Прэзідэнтам Рэспублікі Беларусь А.Лукашэнкам падчас афіцыйнага візіту ва Украіну ў ліпені г.г., 30 жніўня 2017 года ў Мінску пачалося чарговае пасяджэнне Сумеснай украінска-беларускай дэмаркацыйнай камісіі. Дэлегацыю Украіны ўзначальвае пасол па асобых даручэннях Дэпартамента міжнароднага права МЗС Украіны, прадстаўнік Украіны па пытаннях дагаворна-прававога афармлення дзяржаўнай мяжы Украіны С.Барадэнкаў. На парадку дня падвядзенне вынікаў дзейнасці Сумеснай украінска-беларускай дэмаркацыйнай камісіі ў папярэднія гады, абмеркаванне асноўных напрамкаў дзейнасці на 2017-2018 гады, параметры і тэрміны арганізацыі палявых дэмаркацыйных работ па вынасу дзяржаўнай мяжы на мясцовасці і вызначэнні месцаў устаноўкі пагранічных знакаў на асобных участках дзяржаўнай мяжы. Бакі ў канструктыўным ключы абмяркоўваюць магчымасць заключэння Дарожнай карты дэмаркацыі дзяржаўнай мяжы паміж Украінай і Рэспублікай Беларусь. Праца працягнецца да 1 верасня г.г.