У цырымоніі прынялі ўдзел Пасол Украіны ў Беларусі Ігар Кізім, дырэктар Рэспубліканскага цэнтра нацыянальных культур Вольга Антоненка, прадстаўнік Палтаўскай дырэкцыі Укрпочты Наталля Чэпурна. Ганаровыя ўдзельнікі мерапрыемства спецыяльным паштовым штэмпелем пагасілі паштовую марку, на якой намаляваны Пасольства Украіны ў Беларусі і Мінская Ратуша. Паралельна цырымонія пагашэння маркі адбывалася таксама ў Палтаве, якая ўласна і стала ініцыятарам гэтага ўрачыстага дзейства.

Дарэчы, першая цырымонія пагашэння ўкраінскай паштовай маркі адбылася ў 2016 у Пасольстве Украіны ў ЗША, а другая - у гэтым годзе ў Пасольстве Украіны ў Беларусі.

Прысутныя павіншавалі ўсіх удзельнікаў мерапрыемства і гасцей з Палтавы з гэтай урачыстай падзеяй, якая стала сімвалам дружбы і ўзаемаразумення ўкраінскага і беларускага народаў.